我係一個注重環保既人 - 每樣可以回收既垃圾我都會堅持將佢放入回收箱而唔係放佢入直接送往堆田區既垃圾筒
但今晚當我回收呢個蛋盒時, 我突然間諗: "蛋盒按理應該係用回收既廢紙加工造既. 我回收呢個蛋盒, 其實咪等同將蛋盒攞去回收再造蛋盒!!? 根本唔make sense. 回收呢個蛋盒唯一既benefit就係我下次買蛋時唔洗帶個蛋盒去, 但呢個蛋盒冇穿冇爛, 我倒不如留返佢黎下次買蛋再用過!!"
沿著呢個道理再諗落去, 我地生活上太多既日用品其實都可以循環再用, 而且為左環保應該要循環再用, 例如除左膠袋之外, 仲有汽水水樽, printer既墨盒, , 電腦既case 等等 (太多太多, 數之不盡)
再堆落去, 其實如果manufacture consumable既公司肯回收佢自己product或姐container/packaging 黎再用過 - 如HP可以收返自己壞左既printer重做再賣過; Coca Cola 可以回收佢自己個樽, 消毒完再裝可樂再賣過 (用"回返水"俾消費者既方式黎鼓勵消費者咁做) , 除左save左佢要買原材料既錢同加工既工序, 最重要就係減少左件不必要既垃圾, 你話咁會幾好呢!
我知道以上講既都唔係新野, 呢D idea 幾十年前己經有, 亦有好多人試過, 但最後都因回收自家product既成本太貴而最後失敗告終. 但我想講既係, 作為一個生活於都市人既人 - 我冇得揀. 我唯一有得揀既就係我唔買汽水.
No comments:
Post a Comment